«Студэнцкае этнаграфічнае таварыства» і Дзяржаўны літаратурны музей Янкі Купалы запрашаюць у нядзелю, 20 сакавіка, пагукаць вясну разам у Вязынцы (Маладзечанскі раён).
У праграме – гукальныя песні, веснавыя карагоды, гульні і забавы для моладзі і дзяцей, традыцыйная музыка і танцы, кірмаш.
Арганізатары на афіцыйнай старонцы падзеі ў сацыяльных сетках просяць быць не гледачамі, а ўдзельнікамі, бо толькі так можна сапраўды адчуць і зразумець традыцыйную культуру.
Таксама вітаюцца традыцыйныя строі, птушкі і стужкі на дрэвы.
Пачатак а 13 гадзіне, заканчэнне а 17-й.
Дабрацца да Вязынкі можа або ўласным транспартам, або электрычкай. Напрыклад, ад станцыі «Мінск-пасажырскі» ў 11:33 цягнік, ехаць 51 хвіліну. Цана квітка — 6 700 рублёў.
Цяпер чытаюць
Скандал у «Еўраопце». 96‑гадоваму дзядулю не дазволілі прысесці на крэсла каля касы13
Каментары