Дачцэ Вольскіх у дзень смерці мамы споўнілася 18 гадоў
Такое супадзенне — у дзень смерці мамы Адэлі Вольскай споўнілася 18 гадоў.
Ганна Вольская, прадзюсарка і жонка Лявона Вольскага, памерла 23 сакавіка на 41-м годзе жыцця ад анкалагічнай хваробы.
Ганна Вольская нарадзілася 11 чэрвеня 1975 года. Скончыла Інстытут культуры. У 1995—1996 гадах працавала ў рэкламным аддзеле легендарнага «Радыё 101.2», дзе і пазнаёмілася з будучым мужам. У іх нарадзілася дачка Адэля, якой роўненька ў дзень смерці мамы споўнілася 18 гадоў.
Без Ганны не было б многіх выдатных песень Вольскага. Яна была менеджаркай культуры — і пры гэтым чалавекам, глыбока адданым радзіме і свабодзе.
Ганна была дырэктаркай гурту N.R.M., з’яўлялася нязменнай прадзюсаркай музычнага праекта «Крамбамбуля» і сольных альбомаў Лявона Вольскага, выступала суаўтаркай сцэнару, прадзюсаркай і нават акцёркай у некалькіх праектах для тэлеканала «Белсат» («Снежны завулак», «Назад у будучыню»).
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары