Міністэрства транспарту і камунікацый Беларусі з 6 красавіка адмяняе сезонныя абмежаванні нагрузак ад 6 т да 9 тон на адзіночную вось аўтамабіляў на некаторых рэспубліканскіх дарогах. Такое рашэнне змяшчаецца ў пастанове Міністэрства транспарту і камунікацый №17 ад 5 красавіка, паведаміла прэс-сакратар Мінтранса Кацярына Грыб.
«З 6 красавіка абмежаванні перастануць дзейнічаць на дарогах Брэсцкай і Гомельскай абласцей, указаных у пастанове Мінтранса №6 ад 5 сакавіка, а таксама часткова — Гродзенскай і Віцебскай», — адзначыла прэс-сакратар.
У прыватнасці, у Віцебскай вобласці адмяняюцца сезонныя абмежаванні для аўтамабіляў, якія перасоўваюцца па аўтатрасах М3 Мінск-Віцебск і Р20 Віцебск — Полацк — мяжа Латвіі (Грыгораўшчына) на ўсім іх працягу.
Абмежаванні будуць знятыя на участках дарог Р3 Лагойск — Зэмбін — Глыбокае — мяжа Латвіі (Урбаны) ад 79-га да 104-га кіламетра і Р45 Полацк — Глыбокае — мяжа Літвы (Катлоўка) ад 201-га да 223-га кіламетра.
Сезонныя абмежаванні ўводзіліся ў Беларусі на пэўных участках беларускіх аўтамагістраляў пастановай Мінтранса №6 з 21 сакавіка па 22 красавіка. Сёлета яны не распаўсюджваліся на платныя дарогі. Часовыя абмежаванні нагрузак на восі транспартных сродкаў неабходныя для забеспячэння захаванасці дарог і дарожных збудаванняў (паколькі вясной з-за пераўвільгатнення дарожнага пакрыцця аўтатрасы аказваюцца безабароннымі перад цяжкімі транспартнымі нагрузкамі), а таксама бяспекі руху.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю22
Каментары