Фонд барацьбы з карупцыяй (ФБК) Аляксея Навальнага апублікаваў звесткі пра кватэры Жанны Золатавай, дачкі надоечы прызначанага кіраўніка Нацыянальнай гвардыі Расеі, Віктара Золатава. Паводле ацэнкі юрыстаў фонду, кошт кватэры цяпер складае амаль 343 млн рублёў, або $5 млн, піша РБК.
Кватэра, якая належыць дачцэ Золатава, не пазначаная ў дэкларацыі аб даходах за 2014 годзе. На той момант Жанна Золатава не была паўналетняй, а таму ейнае жыллё пад дэклараванне не падпадала.
Прэс-служба Нацыянальнай гвардыі не змагла аператыўна адказаць на запыт РБК.
Паводле выпісу з дзяржаўнага рэестра нерухомай маёмасці, пададзенай ФБК, у валоданні Жанны Золатавай знаходзіцца кватэра плошчай 500 м2 на Ламаносаўскім праспекце ў Маскве. Права на кватэру яна зарэгістравала ў дзяржаўных органах у лістападзе 2011 года.
У расследаванні таксама згадваецца, што Золатаў мае дом плошчай 274,6 м2. Навальны паказвае ў публікацыі, што ў доме Золатава раней пражываў Анастас Мікаян. Навальны таксама сцвярджае, што кіраўніку Нацгвардыі перадалі блізу гектара зямлі, коштам 2 млн руб за сотку. Такім чынам, мяркуюць у ФБК, актывы сям'і Золатава ў суме складаюць звыш 663 мільёны рублёў. Пры гэтым афіцыйны даход сілавіка за 2014 год — 6,5 млн руб.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары