Маленькая краіна па-ранейшаму блякуе перамовы Эўрасаюзу і Расеі, патрабуючы аднаўленьня паставак нафты і спыненьня агрэсіўных дзеяньняў супраць Грузіі.
Літоўскія дыпламаты, палітолагі і палітыкі гатовыя спыніць абмеркаванне дамовы пра супрацоўніцтва паміж Еўрасаюзам і Расійскай Федэрацыяй. Пры гэтым дырэктар Дэпартаменту Міністэрства замежных спраў Літвы па інфармацыі і сувязях з грамадскасцю Віялета Гайжаўскайстэ сцвярджае, што дыскусія ў Люксембурзе працягваецца.
Літва вылучыла чатыры дэкларацыі з патрабаваннямі, якія павінны стаць састаўной часткай мандата на перамовы з Расіяй. Літоўскія дыпламаты вымагаюць гарантыяў энергетычнай бяспекі, аднаўлення працы нафтаправода «Дружба» і вырашэння замарожаных канфліктаў у Грузіі і Малдове.
Таксама Літва патрабуе юрыдычнай дапамогі Расіі ў расследаванні знікнення літоўскага прадпрымальніка Станісловаса Юцуса ў Калінінградскай вобласці.
Апроч гэтага, Літва хоча заручыцца гарантыямі супрацоўніцтва Расіі ў расследаванні крымінальных спраў пра дзеянні савецкіх узброеных сілаў 13 студзеня 1991 г. ў Вільні і пра расстрэл рыжскім АМАПам літоўскіх памежнікаў 31 чэрвеня таго ж году ў Медніках.
Літва таксама імкнецца да таго, каб да мандату на перамовы дадавалася дэкларацыя пра кампенсацыю шкоды асобам, што былі дэпартаваныя з краінаў Балтыі падчас савецкай акупацыі.
Каментары