Прэзідэнт Казахстана Нурсултан Назарбаеў падпісаў закон «Аб унясенні змяненняў і дапаўненняў у некаторыя заканадаўчыя акты па пытаннях абароны правоў дзіцяці», які ўводзіць хімічную кастрацыю педафілаў.
Гэты дакумент накіраваны на ўдасканаленне сістэмы абароны правоў дзяцей, паведаміла ў чацвер прэс-служба кіраўніка дзяржавы.
Законам уносяцца папраўкі ў Крымінальны, Крымінальна-працэсуальны кодэкс, Кодэкс аб адміністрацыйных правапарушэннях і Кодэкс аб здароўі народа і сістэме аховы здароўя, якія тычацца, у тым ліку, узмацнення жорсткасці пакарання ў дачыненні да асоб, якія ўчынілі злачынствы супраць палавой недатыкальнасці непаўналетніх.
Разам з гэтым унесена норма «аб прымусовай меры медыцынскага характару ў выглядзе хімічнай кастрацыі педафілаў».
Раней сенатар Бырганым Айтымава тлумачыла журналістам, што хімічная кастрацыя будзе ўжывацца як часовая мера ў выглядзе аднаразовай ін'екцыі. «Гэта не значыць, што ін'екцыю зрабілі, і ён на ўсё жыццё такім застаўся, абсалютна не», — сказала яна.
Падобныя ін'екцыі будуць прымяняцца толькі пасля вынясення рашэння суда.
Раней у Сеуле ўпершыню вынеслі прысуд педафілу, які прадугледжвае хімічную кастрацыю.
Цяпер чытаюць
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі2
Каментары