Мінгарвыканкам даў дазвол на правядзенне «Чарнобыльскага шляху» 26 красавіка ў 30-я ўгодкі катастрофы.
Збор а 18-й каля кінатэатра «Кастрычнік», — напісаў у сваім фэйсбуку старшыня Партыі БНФ Аляксей Янукевіч.
Нагадаем, што 8 красавіка заяўка на правядзенне акцыі была пададзена ў Мінгарвыканкам.
Заяўнікі прасілі дазволіць збор удзельнікаў акцыі на пляцоўцы каля прэзідыума Нацыянальнай акадэміі навук з 18 да 19 гадзін, затым яны планавалі правесці гадзінную дэманстрацыю па вуліцах Сурганава і Арлоўскай да царквы абраза Божай Маці «Спатоленне загінулых», дзе запланаваны мітынг і ўскладанне кветак. Акцыю плануецца завершыць а 21.00.
У якасці мэтаў мерапрыемства названыя прыцягненне грамадскай увагі да 30-й гадавіны аварыі на Чарнобыльскай АЭС, праблемы развіцця атамнай энергетыкі, экалогіі і якасці жыцця ў краіне, а таксама публічнае выказванне ўдзельнікамі сваіх грамадзка-палітычных поглядаў.
Што азначае загадкавы код R99 у прычынах смерці Уладзіміра Макея і Вітольда Ашурка?5
Каментары