У Магілёве 44-гадовы матацыкліст адмовіўся спыніцца на патрабаванне супрацоўнікаў ДАІ і пацярпеў пры затрыманні.
Як паведаміў начальнік аддзялення па агітацыі і прапагандзе ДАІ УУС Магілёўскага аблвыканкама Яўген Жылінскі, 4 мая матацыкліст на «Ямасе» без рэгістрацыйных знакаў праехаў па вуліцы Гагарына і бульвары Нескароных, выязджаючы на сустрэчную паласу руху, пятляючы па дварах, ствараючы небяспеку для кіроўцаў і пешаходаў.
Каб спыніць мужчыну, аднаго распараджэння інспектара ДАІ было мала. Запатрабаваліся чатыры патрульныя машыны для пагоні і затрымання парушальніка. «Адна ехала за ім, а тры перакрывалі дарогу. Ён жа па дварах круціўся, мог нейкае дзіця задушыць», — сказаў супрацоўнік ДАІ.
У выніку пагоні па бульвары Нескароных матацыкліст урэзаўся ў адну з машын ДАІ і атрымаў удар, пасля чаго быў шпіталізаваны. Паводле звестак ДАІ, мужчына не быў п'яны і мае права на кіраванне транспартам гэтай катэгорыі, хоць у момант язды пасведчання кіроўцы ў яго не было.
Паводле слоў Жылінскага, сваю адмову спыніцца на патрабаванне інспектара ДАІ матацыкліст растлумачыў нежаданнем гэта рабіць.
Уладзімір Лапцэвіч, БелаПАН.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ6
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары