Пра гэта гаворыцца ў паведамленні на ўрадавым сайце
У заяве адзначаецца, што абмежаванні, уведзеныя яшчэ ў снежні 2006 году, ануляваныя «у адказ на нядаўнія пазітыўныя падзеі ў Беларусі».
«Гэтае рашэнне адпавядае мерам, прынятым ЗША і Еўрасаюзам у кастрычніку 2015 года», - гаворыцца ў паведамленні ведамства.
У МЗС Канады таксама палічылі поспехам вызваленне палітвязняў і безгвалтоўнае правядзенне прэзідэнцкіх выбараў у кастрычніку 2015 года.
Таксама Канада ацаніла пазітыўную ролю Беларусі ва ўрэгуляванні сітуацыі на ўсходзе Украіны.
Сваім рашэннем аб адмене санкцый Канада дае права на экспарт у Беларусь тавараў і тэхналогій.
У ведамстве таксама адзначылі, што Канада будзе працягваць сачыць за развіццём сітуацыі ў Беларусі і будзе ўзаемадзейнічаць з беларускім урадам «у мэтах прасоўвання правоў чалавека, дэмакратычных стандартаў і нормаў, а таксама захаванні правоў грамадзянскай супольнасці».
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў8
Каментары