У мінскай гімназіі №74 старшакласнік з нажом напаў на настаўніцу, патрабаваў прабачэнняў, перарэзаў горла
Шакуючы інцыдэнт здарыўся 23 мая ў мінскай гімназіі №74. Старшакласнік з нажом напаў на настаўніцу рускай мовы Валянціну Уладзіміраўну.
Адна з вучаніц старэйшага класа гімназіі расказвала: «Настаўнікі кажуць, што іх было чацвёра. Трое трымалі, а адзін стаяў з нажом у руцэ. Патрабавалі, каб яна «прасіла прабачэння за здзекі з дзяцей», і яна прасіла…».
Заўважым, Следчы камітэт гаворыць толькі пра аднаго падазраванага.
Званок аб сканчэнні ўрока так і не далі, абсалютна ўсіх вучняў не выпускалі з класаў. Педагога забралі на «хуткай», падазраванага адвезлі ў міліцыю. Распачата крымінальная справа за замах на забойства.
Меркаванні вучняў пра траўмаваную настаўніцу вельмі розняцца. Выпускнікі мінулага года, у якіх педагог была класным кіраўніком, называюць яе патрабавальнай, але вельмі кваліфікаванай. Некаторыя называюць яе строгай.
Настаўніца рускай мовы знаходзіцца ў бальніцы. Прагнозаў аб яе стане здароўя медыкі не даюць.
«Пацярпелай нанесена некалькі раненняў, у тым ліку ў шыю — жыццёва важны орган. Таму медыкі лічаць неабходным падтрымліваць яе на спецыяльных прыладах», — удакладняе Еўрарадыё Аляксандр Герасімаў, афіцыйны прадстаўнік упраўлення Следчага камітэта па Мінску.
Пацярпелая — настаўніца вышэйшай катэгорыі, педагагічны стаж — 25 гадоў, вядзе платны гурток «Падрыхтоўка да ЦТ па рускай мове» і факультатыў «Практычная стылістыка рускай мовы».
Цяпер чытаюць
У Мінску масажыст Андрэй таемна здымаў голых кліентак5
Каментары