Ва Узбекістане з-за пагрозы выбуху экстрана прызямліўся егіпецкі авіялайнер Каір — Пекін. На борце знаходзіліся 17 членаў экіпажа і 118 пасажыраў. Па дадзеных СМІ, гаворка ідзе пра самалёт EgyptAir.
Airbus A330-200 егіпецкай авіякампаніі, які рухаўся з Каіра ў Пекін, здзейсніў аварыйную пасадку ў аэрапорце ва Узбекістане з-за пагрозы выбуху, паведаміла авіякампанія Uzbekistan airways на сваім сайце.
Паводле яе звестак, раніцай 8 чэрвеня «паступіла інфармацыя аб магчыма знаходжанні выбуховага прыстасавання на борце авіялайнера». У сувязі з гэтым да ўзбекскіх авiяцыйных уладаў паступіла просьба аб экстранай пасадцы самалёта, які затым прызямліўся ў аэрапорце горада Ургенча.
У цяперашні час борт знаходзіцца ў бяспечнай зоне, адзначылі ў Uzbekistan airways. Члены экіпажа і пасажыры эвакуяваныя. Адпаведныя службы праводзяць агляд і праверку паветранага судна.
На борце самалёта знаходзіліся 17 членаў экіпажа і 118 пасажыраў.
Каментары