У Лондане паказалі спектакль паводле восьмай кнігі «Патэрыяны» Джоан Роўлінг.
Пастаноўка «Гары Потэр і праклятае дзіця» распавядае пра дарослага Гары і яго сына-падлетка Альбуса. Дзеянне адбываецца праз 19 гадоў пасля бітвы за Хогвартс.
Паводле сюжэта, старэйшаму Потэру каля 40 гадоў, ён жанаты, працуе ў міністэрстве магіі і выхоўвае траіх дзяцей. Яму даводзіцца адысці ад дзяржаўных спраў і разам з сынам уступіць у бітву з сіламі, якія імкнуцца адпомсціць за зробленыя ў мінулым подзвігі.
Акрамя самога Гары ў п'есе фігуруюць і іншыя галоўныя героі «Патэрыяны» — Герміёна, Рон, Джыні, а таксама іх вечны праціўнік Драка Малфой. Праўда, персанажаў не пазнаць — іх граюць іншыя акцёры.
Прэм'ера, як і чакалася, прайшла пры поўным аншлагу. Больш за тое, тое ж самае будзе на ўсіх спектаклях у бліжэйшыя месяцы — усе квіткі да мая 2017 ўжо раскупілі.
З-за ажыятажу Джоан Роўлінг нават выпусціла відэазварот да тых, каму пашанцавала сярод першых ўбачыць прадстаўленне. Папрасіла не выдаваць дэталі сюжэту, а ў сацсетках быў запушчаны хэштэг #keepthesecrets («#трымайсакрэты») для таго, каб пастаноўку не сапсавалі спойлеры.
Сцэнар спектакля будзе надрукаваны асобнай кнігай. Англійская версія з'явіцца ў продажы 31 ліпеня.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці48
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары