Міністр абароны Грузіі Цінацін Хідашэлі падпісала загад, згодна з якім ваенная служба ва Узброеных сілах Грузіі перастала быць абавязковай.
Гэта адбылося сёння на сустрэчы з грузінскімі і замежнымі журналістамі, якім Хіташэлі прэзентавала гадавую справаздачу пра сваю дзейнасць на пасадзе міністра.
«Адным з маіх абяцанняў на пасадзе міністра абароны было скасаваньне абавязковага прызыву. Служба ва Узброеных Сілах Грузіі гэта годны занятак і ўсе павінны хацець служыць. А хто не хоча, мы прымушаць не будзем. Я ў вашай прысутнасці падпісваю загад аб тым, што больш не будзе абавязковага прызыву», — цытуе словы Хіташэлі радыёстанцыя «Пірвелі радыё».
На сённяшні дзень ваенная служба ў Грузіі дзеліцца на чатыры катэгорыі — абавязковая, кантрактная, кадравая і рэзервовая.
На абавязковую ваенную службу ў Грузіі прызываюць грамадзян краіны ва ўзросце ад 18 да 27 гадоў. Прызыўнікоў акрамя міністэрства абароны размяркоўваюць і ў іншыя сілавыя ведамствы — міністэрства ўнутраных спраў, Службу Дзяржбяспекі, міністэрства па выкананні пакаранняў і прабацыі, а таксама спецыяльную службу дзяржаўнай аховы.
Тэрмін праходжання абавязковай ваеннай службы ў Грузіі — 12 месяцаў.
-
Прэм'ер Літвы: Санкцыі супраць Расіі і Беларусі павінны быць хаця б рэгіянальнымі, нацыянальныя без толку
-
Гламурны космас. Джэф Безас адпраўляе сёння ў космас сваю нявесту і яшчэ пяць жанчын
-
Кыргызстан уручыў ноту пратэсту расійскаму паслу пасля аблавы і жорсткага збіцця сваіх грамадзян у маскоўскай лазні
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым6
Каментары