На гэтым тыдні ў Беларусі чакаецца па-летняму гарачае і няўстойлівае надвор'е з частымі навальнічнымі дажджамі, паведаміла галоўны сіноптык Гідрамета Святлана Рыбакова.
У аўторак на большай частцы краіны пройдуць кароткачасовыя дажджы рознай інтэнсіўнасці, у асобных раёнах прагрымяць навальніцы, якія месцамі будуць суправаджацца моцным парывістым ветрам і градам.
Тэмпература паветра ўначы плюс 16—21°С, днём плюс 23—29°С, у паўднёвых раёнах паветра прагрэецца да плюс 30—34°С.
У сераду ноччу месцамі, днём пераважна па паўночна-заходняй палове краіны кароткачасовыя дажджы. У асобных раёнах навальніцы і моцныя дажджы, днём пры навальніцах узмацненне ветру парывамі да 15—20 м/с, магчымы град.
Тэмпература паветра ўначы плюс 14—20°С, па поўдні да плюс 22°С; днём плюс 25—32°С, па паўднёвым усходзе плюс 33—36°С, у паўночна-заходніх раёнах плюс 19—24°С.
У чацвер ноччу месцамі, днём на большай частцы тэрыторыі кароткачасовыя дажджы, у асобных раёнах навальніцы, днём месцамі моцныя дажджы. Тэмпература паветра ўначы плюс 12—19°С, днём плюс 19—26°С; па паўднёвым усходзе ноччу плюс 20—22°С, днём плюс 27—34°С.
У пятніцу ноччу пераважна па заходняй палове рэспублікі дажджы, у асобных раёнах моцныя дажджы. Днём месцамі кароткачасовыя дажджы.
У асобных раёнах навальніцы. Тэмпература паветра ўначы плюс 15—22°С, днём ад плюс 16—20°С па захадзе да плюс 30—34°С па ўсходзе.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу2
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8383
Каментары