Павел Белавус пералічвае іх на старонцы ў фэйсбуку.
9 цікавых фактаў пра падрыхтоўку Аляксея Гроса да фестывалю:
— на апошніх афіцыйных і неафіцыйных канцэртах ды імпрэзах Аляксей Грос выступаў у вышыванках ды вышымайках;
— музыка пачаў актыўна весці на беларускай мове свае сацыяльныя сеткі;
— запісаў па-беларуску некалькі песень, у тым ліку на вершы Мікіты Найдзёнава ды свой варыянт хіта Песняроў «Ой, дожджык ідзе»;
— Грос падтрымаў Украіну з Джамалой на Еўрабачанні 2016 і нават прыехаў з ёю сустрэцца на канцэрт у Вільню;
— хэштэг выканаўцы #ГроссНаш зроблены ў вышыванкавым стылі, што таксама іранічна, але дасціпна гаворыць пра многае;
— спявак нават Алу Пугачову спрабуе беларусізаваць: падарыў, аформлены па-беларуску, яе радавод (генелагічнае дрэва), які паказвае, што яшчэ ў XIX ст. род Пугачовай жыў у Магілёўскай вобласці, а ў прадзеда спявачкі тут быў свой маёнтак;
— таксама падарыў Галкіну, Пугачовай і іх дзецям беларускія вышыванкі;
— на фірмовых цішотках і сцяжках Гроса, якія зрабіла дызайнерка Наталля Аксіновіч, музыка ў вобразе вершніка — князя Альгерда, помнік якому два гады таму ўсталявалі ў Віцебску. Праўда, замест вайсковага рыштунка — вышыванка, а ў руцэ не сокал, а мікрафон;
— разам з symbal.by усім канкурсантам былі падрыхтаваныя прыемныя падарункі з беларускім зместам і цікавым сюрпрызам.
Больш пра Аляксея:
На «Славянскім базары» беларускі ўдзельнік будзе спяваць па-беларуску
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3512
Каментары