На полі каля вёскі Кілтаўцы Гарадоцкага сельсавета Маладзечанскага раёна ўвечары 31 ліпеня падчас уборкі ўраджаю загінуў 24-гадовы камбайнер. Паводле папярэдніх дадзеных, хлопца зацягнула ў жняярку камбайна.
«Камбайн належыць сельскагаспадарчаму прадпрыемству «Бярэзіна-Аграпрадукт», — распавёў пракурор Маладзечанскага раёна Уладзімір Дубоўскі. — Няшчасны выпадак адбыўся каля 17.30. Паводле папярэдніх дадзеных, камбайнер палез чысціць жняярку камбайна. І ў ёй атрымаў траўмы, несумяшчальныя з жыццём. У прыватнасці, маладому чалавеку штыром прабіла галаву, перамалола косткі цела».
Праверку па смерці камбайнера праводзіць Маладзечанскі раённы аддзел Следчага камітэта. Трэба высветліць, у якім тэхнічным стане знаходзіўся камбайн. Прызначаная таксама экспертыза па стане камбайнера перад трагедыяй. Але, паводле папярэдніх дадзеных, ён быў цвярозы.
35 маладых беларусаў і беларусак, за якімі варта сачыць: апублікаваны першы спіс Next 3532
Каментары