Трагедыя пад Лагойскам: перакуліўся човен, у якім пенсіянер катаў суседскіх дзяцей
10 жніўня ў 20-37 у МНС паступіла паведамленне аб тым, што на возеры ў вёсцы Завішына Лагойскага раёна тонуць людзі. Са слоў відавочцаў вынікала, што перакулілася лодка, у якой знаходзіліся 3 чалавекі (мужчына, хлопчык і дзяўчынка).
Да прыбыцця ратавальнікаў мясцовыя жыхары вынялі з вады і даставілі на бераг мужчыну, пенсіянера, які не падаваў прыкмет жыцця. Пазней фельчарам хуткай медыцынскай дапамогі канстатавана яго смерць.
Работнікі МНС выратавалі хлопчыка, 2007 г.н., які знаходзіўся ля перакуленай лодкі на адлегласці 30 метраў ад берага. Пасля медыцынскага агляду дзіця адвезлі дадому.
На адлегласці 25 метраў ад берага (на глыбіні 2,5 метра) ратавальнікі выявілі цела патанулай дзяўчынкі, 2004 г.н.
Дакладную карціну таго, што адбылося, яшчэ трэба будзе высветліць, аднак па папярэдняй інфармацыі, мужчына запрасіў двух суседскіх дзяцей пакатацца на драўлянай лодцы. Лодка перакулілася і дзяўчынка пачала тануць. Дарослы паспрабаваў яе выратаваць і абое сышлі пад ваду. Хлопчык застаўся на паверхні вады і трымаўся за перакуленую лодку.
Ратавальнікі МНС і Асвода нагадваюць: у лодцы або любым іншым маламерным судне неабходна быць у зашпіленай выратавальнай камізэльцы. Такая перасцярога зводзіць да мінімуму імавернасць трагічнага зыходу ў выпадку перакульвання.
Цяпер чытаюць
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках24
Каментары