Не паведамляецца, хто стаіць за хімічнай атакай, аднак пацярпелі жыхары раёнаў, падкантрольных партызанам.
Галоўны доктар шпіталя ў Алепа Хамза Хаціб распавёў Reuters, што ў бальніцу з тэрыторыі, якую кантралююць паўстанцы, даставілі пацярпелых з прыкметамі атручвання хлорам.
Паведамляецца, што чатыры чалавекі загінулі, 55 атруціліся. Яшчэ 7 дагэтуль знаходзяцца на лячэнні.
У пацярпелых назіраюцца прыкметы атручвання хлорам — абцяжаранае дыханне.
У шпіталі ўзялі ўзоры адзення пацярпелых для аналізу.
У Сірыйскім цэнтры маніторынгу за выкананнем правоў чалавека заявілі, што верталёты скідалі бомбы на раёны Сейль-аль-Даўла (Seif al Dawla) і Зубдзія (Zubdiya), якія ўтрымліваюць паўстанцы.
Таксама пра газавыя бомбы, скінутыя на Алепа, распавялі ў Сірыйскай грамадзянскай абароне.
Раней баевікоў ІДІЛ абвінавацілі ў маштабных хімічных атаках у Іраку.
Дактары Алепа, звярнуліся да прэзідэнта ЗША Барака Абамы з просьбай аб дапамозе. Пра гэта піша Бі-Бі-Сі.
Ліст да прэзыдэнта Злучаных Штатаў падпісалі 29 лекараў. Яны сцвярджаюць, што калі атакі на горад працягнуцца з той жа сілай на працягу месяца, то ў ім не застанецца нікога. Яны заклікалі Абаму ўвесці беспалётную зону над горадам.
«Мы не маем патрэбу ў слязах, спагадзе ці малітвах: мы адчайна маем патрэбу ў свабоднай ад бамбардзіровак зоне ва ўсходняй частцы Алеппо, а таксама ў міжнароднай падтрымцы, для таго каб горад не быў абложаны зноў», — гаворыцца ў лісце.
Цяпер чытаюць
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію3
Каментары