Адміністрацыйная справа ў дачыненні да прадстаўнікоў аргкамітэта па стварэнні партыі «Беларуская хрысціянская дэмакратыя» (БХД) у Віцебску Таццяны Севярынец і Алены Шабуні закрыта. Пра гэта паведаміла Севярынец.
Нагадаем, на пікеце 27 ліпеня былі складзены пратаколы ў дачыненні да патэнцыйных кандыдатаў ад БХД, якія праводзілі сумесны пікет, прысвечаны гадавіне прыняцця Дэкларацыі аб дзяржаўным суверэнітэце Беларусі. У часе мерапрыемства яго ўдзельнікі праспявалі гімн «Магутны Божа» і песню «Сцяг». Спевы падчас пікету па зборы подпісаў за вылучэнне кандыдатамі міліцыянеры кваліфікавалі як несанкцыянаваную масавую акцыю.
Таццяна Севярынец атрымала апавяшчэнне пра тое, што па матэрыялах праверкі ад 8 жнiўня вынесена пастанова аб спыненні адміністрацыйнай справы з-за адсутнасці ў дзеянні складу адміністрацыйнага правапарушэння. «Мы былі 8 жніўня на прыёме ва ўчастковага, ён падрабязна распытваў, што адбывалася. На што я сказала:» Вывучайце заканадаўства, мы праводзілі пікет па зборы подпісаў у адпаведнасці з Выбарчым кодэксам», — адзначыла яна.
Рашэннямі акруговых камісій ад 10 жніўня Севярынец і Шабуня зарэгістраваны кандыдатамі ў дэпутаты Палаты прадстаўнікоў.
Актывісты аргкамітэта па стварэнні партыі «Беларуская хрысціянская дэмакратыя» ідуць на выбары ў складзе правацэнтрысцкай кааліцыі беларускай апазіцыі, куды таксама ўваходзяць Аб'яднаная грамадзянская партыя і рух «За Свабоду».
Парламенцкія выбары пройдуць 11 верасня.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам1
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары