Афіцыйны Кіеў адрэагаваў на прапанову прэзідэнта РФ Уладзіміра Пуціна прэзідэнту ЗША Дональду Трампу і старшыні КНР Сі Дзіньпіну правесці сустрэчу па Украіне без удзелу ўкраінскага прэзідэнта Уладзіміра Зяленскага.
Такі саміт не дапаможа скончыць вайну, заявіў у панядзелак кіраўнік МЗС Украіны Андрэй Сібіга, піша DW
«Трохбаковая сустрэча лідараў Украіны, ЗША і Расіі магла б дапамагчы хутчэй скончыць вайну. Трохбаковая сустрэча лідараў Расіі, Кітая і ЗША дасць толькі супрацьлеглы вынік: падштурхне Пуціна працягваць гэтую вайну, — гаворыцца ў заяве Сібігі, апублікаванай у Telegram. — Запрашэнне Пуціна на такую сустрэчу толькі падсілкавала б яго манію велічы і надало б яму вагу, якой ён не заслугоўвае».
Міністр замежных спраў Украіны заявіў, што Пуцін — «не сусветны лідар, а ваенны злачынец. А Расія — не сусветная дзяржава, а сусветная праблема». Эканоміка Расіі як мінімум у 13 разоў меншая за амерыканскую і ў восем разоў меншая за кітайскую, а таксама працягвае скарачацца, адзначыў Сібіга.
Пры гэтым, паводле яго звестак, Расія страціла ў вайне супраць Украіны 1,6 мільёна чалавек забітымі і параненымі.
«Паводле любых прагматычных ці маральных крытэрыяў Пуціну не месца за адным сталом з прэзідэнтамі Трампам і Сі», — падсумаваў кіраўнік МЗС Украіны.
Паводле слоў Сібігі, прэзідэнт Расіі мог бы заслужыць такое месца толькі сур'ёзным крокам да міру — напрыклад, папярэднім спыненнем агню. «Замест гэтага мы бачым адваротнае: узмацненне тэрору супраць мірных жыхароў», — адзначыў украінскі міністр.
Між тым прэс-сакратар Пуціна Дзмітрый Пяскоў заявіў, што канчатковае ўрэгуляванне ва Украіне немагчымае без «удзелу каго-небудзь з Кіева, хто гатовы ўзяць на сябе адказнасць». Так ён адказаў на пытанне, ці лічаць у Маскве магчымым мірнае ўрэгуляванне без удзелу ў перамовах прадстаўнікоў украінскага кіраўніцтва.
Паводле звестак газеты The Wall Street Journal, Пуцін прапанаваў правесці трохбаковы саміт з Трампам і Сі на маючым адбыцца форуме Азіяцка-Ціхаакіянскага эканамічнага супрацоўніцтва ў Кітаі, каб дамовіцца пра завяршэнне вайны ва Украіне на ўмовах Масквы.
-
Луўр часова закрылі з-за пратэстаў. Студэнты заблакавалі ўваход у музей.
-
«Да новай сустрэчы, наш мілы хлопчык. Мы будзем любіць цябе вечна». Сіндзі Кроўфард упершыню выказалася пра смерць сына
-
ЗША прыгразілі Еўропе разбуральнымі мерамі ў адказ у выпадку абмежаванняў для Starlink пры размеркаванні частот
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам1
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары