На папулярных курортах у паўднёвай частцы Тайланда адбыліся новыя выбухі, ахвярай якіх стаў па меншай меры адзін чалавек, яшчэ некалькі параненыя.
У чацвер вечарам у выніку падвойнага выбуху ў турыстычным горадзе Хуахін непадалёк ад сталіцы Бангкока загінуў разносчык ежы.
У пятніцу ў горадзе адбыўся па меншай меры яшчэ адзін выбух, побач з гадзіннікавай вежай. Яшчэ адзін выбух прагрымеў на курорце выспы Пхукет.
Усяго ў выніку серыі выбухаў у Тайландзе загінулі па меншай меры тры чалавекі, дзясяткі параненыя.
Паліцыя паведаміла, што на курорце Хуахін выбуховыя прылады былі закладзены ў клумбы з кветкамі на адлегласці 50 метраў адзна ад адной і былі прыведзены ў дзеянне з дапамогай мабільных тэлефонаў з інтэрвалам у паўгадзіны.
Сярод параненых — некалькі замежных турыстаў, сярод іх ёсць брытанцы.
Пакуль ніхто не ўзяў на сябе адказнасць за серыі выбухаў. Як перадае карэспандэнт Бі-бі-сі ў Бангкоку, пад падазрэннем у першую чаргу апынуцца групоўкі сепаратыстаў, якія аказваюць узброены супраціў тайскай арміі ў трох паўднёвых правінцыях краіны.
Выбухі могуць быць таксама прымеркаваны да свята — у пятніцу ў Тайландзе адзначаюць дзень нараджэння каралевы Сірыкіт.
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў33
Каментары