У Камянецкім раёне знойдзеныя прыблізна восем кілаграмаў ртуці.
Як паведамілі БелаПАН у Брэсцкім абласным упраўленні МНС, 19 жніўня ў 15.25 у цэнтр аператыўнага ўпраўлення Камянецкага РАНС паступіла інфармацыі пра знаходжанне на дне ракі Лясная каля вёскі Дзямянчыцы двух ёмістасцяў, як меркавалася, з ртуццю.
Шкляныя ёмістасці аб'ёмам 0,5 літра кожная за 10 метраў ад берага на глыбіні прыблізна 1,5 метра ўбачыў 39-гадовы мужчына падчас падводнага палявання ля моста. Адна ёмістасць была пад гумавым коркам, другая — адкаркаваная. Крыху ртуці з яе выцекла на дно ракі. Мужчына вынес ёмістасці, у якіх было прыблізна 8 кг ртуці, на бераг.
Рэшткі ртуці, што вылілася, і ртуцьзмяшчальныя адходы канфіскавалі пазаштатныя ратавальнікі-вадалазы пажарнага аварыйна-ратавальнага атрада Брэсцкага абласнога ўпраўлення МНС. Абследаваная акваторыя ракі ў раёне моста — ёмістасцяў з ртуццю больш не выяўлена.
Згодна са звесткамі МНС, забруджвання навакольнага асяроддзя не адбылося, візуальных сведчанняў мору рыбы не зафіксавана. Пацярпелых няма. Ртуць змешчаная на склад часовага захоўвання для наступнай утылізацыі.
22 жніўня спецыялістамі Брэсцкай абласной лабараторыі рэспубліканскага цэнтра аналітычнага кантролю ў галіне аховы навакольнага асяроддзя будзе ўзятая вада для аналізу на ўтрыманне шкодных прымешак.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма10
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1919
Каментары