Старшыня Мінгарвыканкама Андрэй Шорац сёння падпісаў хартыю аб далучэнні Мінска да Еўрапейскага тыдня мабільнасці (пройдзе з 16 па 22 верасня). Урачыстая цырымонія адбылася ў Мінскай гарадской ратушы.
«Удзел у Еўрапейскім тыдні мабільнасці — гэта чарговы крок да таго, каб нашы грамадзяне актыўна выкарыстоўвалі ровары, грамадскі транспарт і іншыя сродкі перамяшчэння, альтэрнатыўныя аўтамабілю, — адзначыў мэр беларускай сталіцы. — Гэта будзе спрыяць таму, што Мінск стане яшчэ больш экалагічна чыстым, яшчэ больш камфортным для пражывання горадам».
Пастаянны прадстаўнік ПРААН у Беларусі Санака Самарасінха на цырымоніі падпісання хартыі паведаміў, што летась толькі 3 беларускія гарады падтрымалі Еўрапейскі тыдзень мабільнасці, а сёлета ўжо зарэгістравана 12 удзельнікаў па ўсёй рэспубліцы. «Мінск гатовы прытрымлівацца прынцыпаў Еўрапейскага тыдня мабільнасці на працягу ўсяго года», — дадаў ён.
Праект Еўрапейскага тыдня мабільнасці заваёўвае ўсё большую папулярнасць ва ўсім свеце. Яе дэвіз — «Разумная мабільнасць — моцная эканоміка». У межах глабальнай кампаніі 22 верасня традыцыйна пройдзе Сусветны дзень без аўтамабіля, калі кіроўцам прапануецца на адзін дзень адмовіцца ад аўтамабіля і скарыстацца грамадскім транспартам.
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары