Япрынцаў пра Чыжа: На гэтую тэму не хачу ні гаварыць, ні думаць
Імаверную зьмену меры стрыманьня для бізнэсоўца, заснавальніка кампаніі «Трайпл» Юрыя Чыжа, які ад сакавіка быў у сьледчым ізалятары КДБ, а 14 верасьня нібыта пераведзены пад хатні арышт ці падпіску аб нявыезьдзе, для Свабоды пракамэнтаваў ягоны ранейшы бізнэс-партнэр Уладзімер Япрынцаў.
Япрынцаў сам нядаўна выйшаў на волю пасьля таго, як колішні сябра «здаў» яго органам, і цяпер папраўляе здароўе ў санаторыі:
— Уладзімер Генадзевіч, з розных крыніцаў паступаюць зьвесткі, што Юры Чыж адпушчаны з ізалятара КДБ і днямі нават рыхтуецца вярнуцца на працу…
— Я не цікавіўся, выйшаў ён ці не… Шчыра кажучы, на гэтую тэму не хачу нават ні гаварыць, ні думаць. Я цяпер у санаторыі, заняты зусім іншымі праблемамі. Думак пра яго дакладна няма…
— Літаральна днямі Аляксандар Лукашэнка заявіў, што Чыж вінен бюджэту 12—13 мільёнаў даляраў, якія мусіць вярнуць…
— Ня ведаю пра гэта, таму не магу камэнтаваць. У мяне сваё жыцьцё. А колькі каму вінен ён — паняцьця ня маю… Я ягоных дзяцей і сям'ю люблю, а пра ўсё астатняе гаварыць няма сэнсу.
— З улікам таго, што адбывалася падчас нядаўняга судовага паседжаньня, гаворка пра аднаўленьне супрацоўніцтва малаверагодная, так разумею?
— Вы задаяце пытаньне і самі абсалютна правільна на яго адказваеце. Тым больш Радыё Свабода. Карэннае тут слова — якраз свабода. Ну, а калі самі падчас суду ўсё бачылі… Прабачце, мне на гэтую тэму насамрэч ня вельмі прыемна гаварыць, таму, калі можна, я скончу, ладна?..
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары