«Галіяфы» збіраюць сродкі на выданне кнігі Льюіса Кэрала «Скрозь люстэрка і што ўбачыла там Аліса»
Выдавецтва «Галіяфы» рыхтуе сусветна вядомую кнігу Льюіса Кэрала «Скрозь люстэрка і што ўбачыла там Аліса» ў беларускім перакладзе Веры Бурлак,
у свой час адзначаным прэміяй часопіса «ПрайдзіСвет» як найлепшы пераклад 2009 года.
Аформіла выданне сучасная мастачка Кацярына Дубовік — уладальніца прэміі імя Цёткі за найлепшае афармленне дзіцячай кнігі (Н. Ясмінска, «Сем ружаў», 2015). У кнізе будзе каля 100 малюнкаў, што спалучаюць у сабе інтэлектуальнасць і жартаўлівасць.
Кнігу мяркуецца выдаць да канца снежня 2016 г., і яна стане добрым калядным падарункам для дзяцей і дарослых.
Краўдфандынгавы праект на пляцоўцы «Улей» стартаваў 19 верасня.
Каментары