Аляксандр Саладуха пра дазвол на канцэрт Brutto: «Выдатна! Мне казалі, што Міхалок хацеў бы сыграць разам са мной»
Вядомы беларускі спявак Аляксандр Саладуха пракаментаваў для «Нашай Нівы» дазвол на правядзення канцэрта гурту Brutto ў Гомелі.
«Выдатна! Здорава! Добра!» — адразу кажа Саладуха.
«Я чуў, што Міхалок сышоў з «Ляпісаў» стварыў новую каманду. Яны, здаецца, базуюцца ў Кіеве, шмат гастралююць па Еўропе. Brutto неяк хацелі ў Мінску сыграць у Палацы спорту, але не атрымалася. Цяпер прарваліся ў Гомель. Ну, выдатна! Толькі парадавацца можна за хлопцаў».
Мы спыталіся ў Аляксандра Саладухі, ці хацеў бы ён праспяваць разам ці ўдзельнічаць у сумесным праекце з Сяргеем Міхалком.
«Мне Валодзя Пугач [гурт J-mors — «НН»] казаў, што Міхалок хацеў сыграць са мной, але яшчэ не выходзіў на сувязь. З задавальненнем прыдумалі б нешта разам. Мы пару разоў бачыліся, віталіся. Стаўленне ў мяне да Міхалка вельмі добрае, як і да ўсіх іншых людзей», — кажа спадар Саладуха.
Канцэрт Brutto ў Гомелі мае адбыцца 29 кастрычніка ў Лядовым палацы.
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары