У інтэрнэце ідзе збор подпісаў за норму, каб на цэнніку ўказвалі кошт у пераліку за 1 літр ці кг
«Апошні час вытворцы прадуктаў усё больш хітруюць, фасуючы ў стандартную ўпакоўку ўсё менш прадукту. Напрыклад, у пляшку кефіру наліваюць 950 ці 930, пры гэтым памер ўпакоўкі застаецца ранейшы. Тое самае робіцца і з сыпкімі прадуктамі, напрыклад, крупамі», — пішацца ў петыцыі.
Каб чалавеку лягчэй было параўноўваць прадукты, аўтар петыцыі прапануе Міністэрству антыманапольнага рэгулявання і гандлю абавязаць усе гандлёвыя аб'екты паказваць на цэнніку прадуктаў таксама і цану ў пераводзе да «круглай» меры — 1 л, 1 кг. А для дробных прадуктаў, такіх, як марозіва, — за 100 г. І рабіць гэта буйным шрыфтам.
Такая норма існуе, дарэчы, у Еўрасаюзе.
«Такія меры будуць зручныя купцам і будуць перашкаджаць стрымліваць схаваны рост цэнаў, калі вытворца, захоўваючы цану на бутэльку малака, да прыкладу, памяншае колькасць малака ў бутэльцы», — піша аўтар.
Новая норма, аднак, стварае дадатковыя задачы для крамаў: ім прыйдзецца вылічваць цану за кілё ці літр.
Варта нагадаць, што інтэрнэт-петыцыі не маюць юрыдычнай сілы. А вось кожны зварот з подпісам Міністэрства гандлю абавязанае разгледзець.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ1
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары