З 1 ліпеня 2017 года ў Беларусі забараняецца продаж інфармацыйнай прадукцыі без узроставай маркіроўкі
Пастановай Савета міністраў ад 17 кастрычніка № 828 у Беларусі з 1 ліпеня 2017 года будзе забаронены продаж інфармацыйнай прадукцыі без узроставай маркіроўкі, паведаміла прэс-служба ўрада.
Згодна з пастановай, інфармацыйная прадукцыя (прадукцыя сродкаў масавай інфармацыі, друкаваных выданняў, аўдыявізуальных твораў, фанаграм, гульняў, у тым ліку гульняў з электронным дысплеем, камп'ютарных гульняў і праграм на любых відах носьбітаў) альбо інфармацыя, якая распаўсюджваецца на культурных мерапрыемствах, павінна мець прысвоены ва ўстаноўленым парадку знак узроставай катэгорыі.
Выключэнне складуць выпадкі, калі наяўнасць такога знака з'яўляецца неабавязковай у адпаведнасці з заканадаўствам.
Будзе забаронена прадаваць непаўналетнім ва ўзросце да 16 гадоў фільмы, якім прысвоены знак узроставай катэгорыі «16+» ці «18 +» (раней у пастанове была прапісаная забарона на продаж аўдыявізуальных твораў з індэксамі «**» і «***»).
Пастановай таксама ўдакладненыя асаблівасці продажу сродкаў абароны раслін (рэчываў або сумесі рэчываў сінтэтычнага або прыроднага паходжання для прадухілення з'яўлення, знішчэння або барацьбы са шкоднікамі, узбуджальнікамі хвароб раслін і інш.).
Так, дапускаюцца да продажу толькі сродкі абароны раслін, якія прайшлі дзяржаўную рэгістрацыю сродкаў абароны раслін і ўключаныя ў Дзяржаўны рэестр сродкаў абароны раслін і угнаенняў, дазволеных да прымянення на тэрыторыі Рэспублікі Беларусь. Інфармацыя аб сродках аховы раслін акрамя звестак павінна ўтрымліваць на кожнай адзінцы ёмістасці са сродкам абароны раслін рэкамендацыі па яго ўжыванні, перавозцы і захоўванні (на тарнай (упаковачнай) этыкетцы або ў спецыяльным дадатку) з указаннем нумара дзяржаўнай рэгістрацыі.
Прадавец павінен мець дакумент, які пацвярджае якасць сродку абароны раслін, выдадзены вытворцам, і абавязаны забяспечыць выкананне патрабаванняў бяспекі пры захоўванні і продажы сродкаў абароны раслін. Продаж сродкаў абароны раслін ажыццяўляецца толькі ва ўпакоўцы вытворцы.
-
Ураджэнку Беларусі завочна асудзілі на 10 гадоў за арганізацыю незаконнага рэферэндуму аб далучэнні Херсоншчыны да Расіі
-
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
-
«Чаму беларус не вывучыць беларускую мову? Гэта проста лянота». Выдавец Яраслаў Іванюк — пра вышук, КДБ і моўныя войны
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў21
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх21
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары