«Мы знішчылі іх ядзерную праграму. Нам яшчэ трэба разабрацца, я б сказаў, з адным ці двума аб'ектамі, але мы можам зрабіць гэта за дзесяць хвілін», — заявіў ён.
Прэзідэнт ЗША Дональд Трамп сцягвае на Блізкім Усходзе армаду, якая можа нанесці ўдар па Іране на працягу некалькіх дзён, піша Bild.
У якасці магчымай цэлі Трамп назваў іранскую гару Каланг, больш вядомую як «Гара Кірка» (Pickaxe Mountain). Мяркуецца, што пад ёй знаходзіцца ядзерны комплекс. «Верагодна, варта было б звярнуць увагу на Гару Кірка, і з гэтым трэба разабрацца», — сказаў Трамп.
Гара размешчана ў правінцыі Ісфахан, прыкладна за 200 кіламетраў на поўдзень ад Тэгерана, недалёка ад ядзернага аб'екта ў Натанзе. Іранскі ўрад адмаўляе, што там вядуцца работы ў межах ядзернай праграмы. Па словах Трампа, ЗША не спяшаюцца, бо перамовы аб спыненні вайны ідуць «добра» — аднак іранцы «не вельмі надзейныя». Дзяржсакратар Марка Рубіа заявіў, што прэзідэнт яшчэ не прыняў рашэння аб новых ударах, і ЗША адкрытыя для дыпламатычнага ўрэгулявання.
Разам з тым ЗША прыводзяць свае сілы ў баявую гатоўнасць. Трамп засяроджвае ў Аравійскім моры вялізны флот: тры авіяносцы, 17 ваенных караблёў, больш за 20 тысяч ваеннаслужачых. Войскі гатовыя нанесці ўдар на працягу 96 гадзін пасля загаду прэзідэнта.
Тэгеран, у сваю чаргу, даў на гэтыя пагрозы рэзкі адказ. 31 кастрычніка вярхоўны лідар Ірана Маджтаба Хаменеі выступіў перад вышэйшым ваенным камандаваннем з недвухсэнсоўнай заявай: «На любую пагрозу павінен рушыць услед неадкладны, эфектыўны і не абмежаваны геаграфічнымі рамкамі адказ». Прадстаўнік арміі Махамад Акрамінья таксама зрабіў заяву па дзяржаўным тэлебачанні: «Магчымая будучая вайна можа працягвацца даўжэй за папярэдні канфлікт». Акрамя таго, па яго словах, Трамп «не ў стане дыктаваць тэрміны або ўмовы яе завяршэння».
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос20
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
[Зрэдагавана]
Бам-бам-бам, бамбі Іран
Бам-бам-бам, бамбі Іран
Наш дзядзя Сэм
Зробіць "ноў проблем"
І звышсакрэтны базы
Зраўняем усе адразу