Калегія Вярхоўнага суда Расіі пад старшынствам суддзі Аляксандра Боціна пакінула ў сіле прысуд украінцам Мікалаю Карпюку і Станіславу Клыху. У маі гэтага года Вярхоўны суд Чачні прысудзіў Клыха і Карпюка да 22,5 і 20 гадоў зняволення адпаведна, паведамляе ВВС.
На разгляд апеляцыі ў Маскву прыехала народны дэпутат Украіны і былая расійская зняволеная Надзея Саўчанка.
У сваёй апеляцыі абарона украінцаў настойвала на тым, што Клыха і Карпюка трэба апраўдаць. Сцвярджалася, што прысуд па справе быў вынесены з істотным парушэннем крымінальнага і крымінальна-працэсуальнага кодэксаў.
Адвакаты заявілі, што іх падабаронныя падвяргаліся гвалту і катаванням на этапе папярэдняга следства і падпісалі пратаколы допытаў пад ціскам, фактычна агаварыўшы сябе.
«Адзіны станоўчы момант сённяшняга рашэння ў тым, што яно набыло моц, а значыць, гэта адкрывае шляхі для запуску працэдуры абмену», — пракаментаваў рашэнне Вярхоўнага суда адвакат Ілля Новікаў.
Цяпер чытаюць
Як беларусы ў Вільні адзначылі Дзень Волі ШМАТ ФОТА3
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1010
Каментары