Станоўчыя бакі працы прэзідэнта РФ нічым не адрозніваюцца ад станоўчых бакоў працы супрацоўніка завода. Пра гэта сказаў прэзідэнт РФ Уладзімір Пуцін у гутарцы з рабочымі завода «Аўтадызель», адказваючы на пытанне аб станоўчых і адмоўных баках сваёй працы, піша ТАСС.
«Калі па-сур'ёзнаму, то самы станоўчы бок маёй працы нічым не адрозніваецца ад станоўчага боку вашай — калі вы бачыце, што яна прыносіць задавальненне і вы дамагаецеся пастаўленых перад сабой мэт і задач, вы робіце важную, патрэбную, добрую справу. Яна ідзе на карысць і вам і таму, дзеля каго вы працуеце. Вось гэта і ёсць самае вялікае задавальненне — заўсёды самае вялікае задавальненне ад атрыманых вынікаў», — сказаў ён.
Кажучы аб адмоўных баках працы, Пуцін адзначыў, што адмоўных эмоцый шмат, «нічога не зробіш». «Але і ў вашай працы напэўна тое ж самае: калі ў вас нешта не атрымліваецца ці вас нехта падводзіць, або сутыкаецеся з іншымі неспадзяванымі акалічнасцямі. Але ў гэтым і ёсць прывабнасць нашай з вамі працы: мы ў стане гэтыя цяжкасці пераадолець і дамагчыся патрэбнага для нас выніку», — сказаў на заканчэнне прэзідэнт РФ.
Цяпер чытаюць
21‑гадовага курсанта Акадэміі авіяцыі асудзілі за Гаюна1
21‑гадовага курсанта Акадэміі авіяцыі асудзілі за Гаюна
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары