Па словах новага старшыні рады дырэктараў «Газпрому» Віктара Зубкова, асноўнай задачай манаполіі на бліжэйшы час стане ўрэгуляваньне пытаньняў транзыту з Беларусьсю і Ўкраінай.
«І калі з Беларусьсю ёсьць дамова да 2011 году, то з Украінай дамова заканчваецца, па‑мойму, 31 сьнежня 2008 году. Гэтыя дзьве краіны — важныя транзыцёры ў Эўропу, таму мы будзем глядзець, якім чынам паміж нашымі суб’ектамі гаспадараньня складваюцца адносіны»,— перадае словы Віктара Зубкова «КоммерсантЪ».
У сваю чаргу старшыня праўленьня манаполіі Аляксей Мілер паабяцаў усталяваць цану на газ для Ўкраіны вышэй за $400.
Нагадаем, што паводле разьлікаў экспэртаў «Газпрому» сярэдняя экспартная цана расейскага газу для эўрапейскіх спажыўцоў ужо ў 2008 г. складзе $401‑402 за тыс. кубамэтраў. Расейскія палітолягі выказаліся, што надзвычай выгадная каньюнктура дазволіць Расеі дыктаваць свае ўмовы сваім суседзям.
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дзяйкала13
Каментары