У Маскве затрыманы лідар гурту Space, які абвінаваціў Кіркорава ў плагіяце
У расійскай сталіцы паліцыянты затрымалі юрыста Ігара Трунова і французскага кампазітара, лідара гурту Space Дзідзье Маруані, якія прыехалі ў «Сбербанк» падпісваць міравое пагадненне з расійскім спеваком Філіпам Кіркоравым, пішаnewsru.com.
Пра гэта паведаміла адвакатка Людміла Айвар. Паводле яе версіі, Кіркораў, абвінавачаны французам у плагіяце, пагадзіўся заплаціць кампенсацыю, а сам напісаў заяву аб вымагальніцтве.
«У нас ёсць перапіска з Кіркоравым, дзе ён абяцае выплаціць кампенсацыю, — распавяла адвакатка. — Труноў і Маруані паехалі ў «Сбербанк» на Пакроўцы сустракацца з Кіркоравым для падпісання пагаднення, але там іх чакала паліцыя і адвакат Кіркорава Аляксандр Дабравінскі».
Раней лідар групы Space Дзідзье Маруані праз свайго расійскага прадстаўніка заявіў, што выявіў плагіят у песні Кіркорава «Жестокая любовь». Музыка сцвярджае, што кампазіцыя з'яўляецца плагіятам на яго твор A Symphonic Space Dream. Маруані падаў пазоў у Маскоўскі гарадскі суд, у якім просіць забараніць Кіркораву выконваць адзін з яго хітоў, а таксама спагнаць з расійскага спевака, яго кампазітара Алега Папкова, тэлеканала «Расія», гуказапісвальнай кампаніі Sony і ТАА «Філіп Кіркораў прадакшн» па пяць мільёнаў расійскіх рублёў за парушэнне аўтарскіх правоў і 50 мільёнаў за маральную шкоду. Агульныя патрабаванні склалі 75 мільёнаў 340 тысяч рублёў.
Цяпер чытаюць
Мама Бажэны Ярэміч, якая рыхтуе прыгажунь для Лукашэнкі, купіла элітны катэдж коштам $837 тысяч17
Каментары