З 1 студзеня старшынства ў Еўрасаюзе на найбліжэйшыя паўгода перайшло ад Славакіі да Мальты.
Мальта адкрыла афіцыйны сайт, прысвечаны старшынству.
Сярод прыярытэтаў Мальты на перыяд яе старшынства ў ЕС названыя міграцыя, бежанцы, рэфармаванне Адзінай еўрапейскай сістэмы давання прытулку, агульны еўрапейскі рынак, бяспека і сацыяльная інтэграцыя, марскія пытанні, паўднёвыя і ўсходнія суседзі Еўрасаюза.
Асаблівую ўвагу Мальта мае намер надаваць стабілізацыі Лівіі, падтрымцы міжнародных намаганняў па аднаўленні мірнага працэсу паміж Ізраілем і Палесцінай, пераходу да дэмакратыі ў Тунісе і ўрэгуляванню канфлікту ў Сірыі.
Першай афіцыйнай заявай старшынства сталі спачуванні родным і сябрам загінулых у стамбульскім тэракту.
Каментары