Супрацоўнік сталічнай міліцыі страляў у 28-гадовага жыхара Мінска, які разам з сябрамі і іх сем'ямі адзначаў дома Новы год.
Як распавяла чытачка ej.by, здарэнне адбылося ўжо пад раніцу 1 студзеня. У міліцыю паступіў званок пра тое, што суседзі ў доме 28 па праспекце газеты «Звязда» занадта шумяць і не даюць спаць. Міліцыя па адрасе прыбыла аператыўна, бо апорны пункт знаходзіўся ў суседнім доме.
Па словах чытачкі, на выклік прыбылі тры праваахоўнікі, да якіх на пляцоўку і выйшаў гаспадар кватэры, на шум у якой скардзіліся суседзі. Само сабой, 28-гадовы работнік ААТ «Керамін» быў выпіўшы. Што здарылася далей, ніхто не бачыў, бо госці заставаліся ўнутры кватэры. Але нечакана яны пачулі стрэлы і выбеглі на пляцоўку.
Да разгляду выпадку падключыўся Следчы камітэт. 28-гадовы жыхар Мінска знаходзіцца ў рэанімацыі ў цяжкім стане.
Афіцыйны прадстаўнік ГУУС Мінгарвыканкама Аляксандр Ластоўскі распавёў ej.by такую версію падзей.
«Паводле папярэдняй інфармацыі, сітуацыя развівалася так. У 6.40 у міліцыю паступіў званок, што ў кватэры па суседстве ўсю ноч шум і гоман, які перашкаджае адпачываць. Трэба разумець, што у гэтым гарадскім аддзеле міліцыі, куды паступіў званок, усю ноч людзі на выкліках былі, таму на выклік адпраўлялі, каго маглі. Па выкліку на месца прыбыў адзін супрацоўнік міліцыі. Дзверы кватэры адкрыў грамадзянін, які адразу ж пачаў паводзіць сябе агрэсіўна і неадэкватна. Ён прычыніў супрацоўніку міліцыі фізічныя пашкоджанні і спрабаваў завалодаць яго табельнай зброяй. Супрацоўнік міліцыі гэтую спробу спыніў. Спачатку ён зрабіў вуснае папярэджанне, потым — папераджальны стрэл. Грамадзянін на гэта не адрэагаваў, і тады супрацоўнік міліцыі зрабіў два стрэлы і параніў дэбашыра. У выніку грамадзянін дастаўлены медыцынскую ўстанову, праапераваны і яго жыццю нічога не пагражае. Супрацоўнік міліцыі дастаўлены з шпіталь МУС з чэрапна-мазгавой траўмай. Па дадзеным факце ўзбуджаная крымінальная справа па ст.363 ч.2 Крымінальнага кодэкса Беларусі (супраціў супрацоўніку органаў унутраных спраў або іншай асобе, якія ахоўваюць грамадскі парадак)», — растлумачыў Аляксандр Ластоўскі.
«Размаўляў увесь час па-беларуску». Павел Севярынец запісаў свой першы зварот пасля вызвалення18
Каментары