Яна Жданава, актывістка руху Femen, вядомага сваімі скандальнымі акцыямі, заявіла, што арганізацыя фактычна распалася яшчэ ў 2015 годзе, а акцыі, якія да гэтага часу праходзяць пад гэтым брэндам, праводзяцца былымі ўдзельніцамі руху па ўласнай ініцыятыве. Пра гэта піша ВВС.
У інтэрв'ю ўкраінскаму выданню «Апостраф». Жданава, якая жыве цяпер у Парыжы, заявіла, што «ўсе разышліся, як у моры караблі». «Каманды, якая была раней, ужо няма», — дадала яна.
У адказ на ўдакладняючае пытанне аб тым. хто ж тады праводзіць ад імя Femen акцыі ў Еўропе і Украіне, Жданава патлумачыла, што сапраўды і ў Іспаніі, і ў Францыі, і в Украіне засталіся некалькі актывістак, якія спрабуюць нешта рабіць.
«Але такое: сядзелі-сядзелі, а потым раптам падумалі, а ці не пайсці нам нешта зрабіць? Сістэмы і таго канцэпта, які быў першапачаткова, калі мы штодня без выхадных і канікул працавалі на карысць нашай ідэі, — гэта ўсё скончылася», — сказала актывістка.
Паводле яе слоў, у 2013 годзе рух пераехаў з Украіны ў Францыю, а затым праіснаваў яшчэ два гады. Пасля гэтага, як сцвярджае Жданава, «усё пачало трашчаць па швах і развальвацца».
Актывістка адзначыла, што нават не ведае, хто цяпер у Францыі займаецца сайтам Femen і вядзе старонку руху ў фэйсбуку.
А большасць жанчын, якія праводзяць акцыі ад імя Femen, як здаецца Жданавай, наогул не разумеюць, што робяць.
«Цяпер Femen — гэта не арганізацыя, а стыль пратэсту. Той стыль, які мы стваралі на працягу ўсяго існавання нашай арганізацыі, проста запазычаюць», — лічыць Жданава.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары