У Вялікабрытаніі ўступіў у сілу закон аб пасмяротным памілаванні мужчын, якія былі асуджаны за гомасэксуальныя адносіны. Такім чынам, як гаворыцца на сайце брытанскага ўрада, у краіне афіцыйна памілаваныя тысячы людзей.
Закон таксама гарантуе памілаванне асуджаным, што жывуць цяпер, калі яны пройдуць фармальную працэдуру зняцця судзімасці. Гэта абмежаванне ўведзена для таго, каб асуджаныя за згвалтаванне ці сэкс з малалетнімі не маглі лічыцца памілаванымі.
Ініцыятыва атрымала назву «закон Цьюрынга» у гонар навукоўца Алана Цьюрынга, які ў 1952 годзе быў асуджаны за сувязь з мужчынамі і неўзабаве скончыў жыццё самагубствам. Ён быў пасмяротна памілаваны каралевай Лізаветай II у 2013 годзе.
У Вялікабрытаніі гомасэксуальныя адносіны паміж мужчынамі былі па-за законам на працягу стагоддзяў (аднаполыя сувязі паміж жанчынамі — не). У 1533 годзе быў прыняты закон, па якім геяў каралі смерцю; гэтае пакаранне было адменена ў 1861 годзе.
У Англіі і Уэльсе пакаранне за гомасэксуальныя адносіны было адменена ў 1967 годзе, у Шатландыі і Паўночнай Ірландыі — у пачатку 1980-х.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы31
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары