Старшакласнікі на тыдзень могуць стаць студэнтамі Белдзяржуніверсітэта, паведамілі БЕЛТА ў прэс-службе ВНУ.
Узяць удзел у праекце «Студэнт БДУ на тыдзень» могуць навучэнцы 10-х і 11-х класаў сталічных школ. Для гэтага неабходна напісаць матывацыйны ліст і адправіць на адрас электроннай пошты [email protected]. Карэспандэнцыя прымаецца да 5 сакавіка, а для жадаючых пазнаёміцца з сістэмай навучання ў Інстытуце журналістыкі — да 15 сакавіка.
«Навабранцам» трэба будзе адчуць студэнцкае жыццё, наведаўшы лекцыі і практычныя заняткі разам са студэнтамі БДУ. Плануецца, што старшакласнікі пазнаёмяцца і з пазанавучальнай дзейнасцю факультэтаў. Патэнцыйных абітурыентаў з 27 па 31 сакавіка сустрэнуць на факультэце сацыякультурных камунікацый, біялагічным, геаграфічным, фізічным, эканамічным факультэтах, а таксама ў Інстытуце журналістыкі і Інстытуце бізнесу і менеджменту тэхналогій. Кульмінацыяй вучэбнага тыдня стане сустрэча з рэктарам БДУ акадэмікам Сяргеем Абламейкам. Яна адбудзецца 1 красавіка падчас Дзён адчыненых дзвярэй «Фестываль факультэтаў БДУ».
Акцыя «Студэнт БДУ на тыдзень» паспяхова рэалізуецца ў другі раз. Першым у канцы 2016 года сваіх абітурыентаў прыняў Інстытут журналістыкі БДУ. Мяркуецца, што ў перспектыве гэты досвед распаўсюдзіцца на ўсе факультэты ВНУ.
Арганізатарамі праекта выступаюць Студэнцкі саюз і ўпраўленне выхаваўчай працы з моладдзю БДУ.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)