Ізраільскія праваахоўныя органы арыштавалі эмігранта з Беларусі, які падазраецца ў спробе далучыцца да тэрарыстычнай арганізацыі «Ісламская дзяржава» і з'ехаць ваяваць у Сірыю, паведамляе ria.ru са сслыкой на Агульную службу бяспекі (ШАБАК).
Паводле яе даных, 40-гадовы бацька пяцярых дзяцей Валянцін Мазалеўскі прыняў іслам праз некалькі гадоў пасля пераезду на пастаяннае месца жыхарства ў Ізраіль. Ён быў актыўным удзельнікам інтэрнэт-супольнасці прыхільнікаў ІД і купіў білет у Турцыю, каб перайсці мяжу і далучыцца да баевікоў, сцвярджае антытэрарыстычная спецслужба.
«Агульная служба бяспекі сумесна з паліцыяй Ізраіля 7 лютага 2017 года арыштавала Валянціна Мазалеўскага, 1977 год нараджэння, грамадзяніна Ізраіля, які пражывае ў населеным пункце Шыблі, жанатага бацькі пяцярых дзяцей, на падставе разведвальнай інфармацыі, згодна з якой ён нядаўна спрабаваў паехаць у Сірыю, каб узяць удзел у баявых дзеяннях у якасці члена «Ісламскай дзяржавы», — гаворыцца ў паведамленні.
Інфармацыя аб справе была дазволеная да публікацыі пасля таго, як Мазалеўскаму выставілі абвінавачванні ў судзе.
У Ізраілі ІД аб'яўленая па-за законам, за сувязі з ёй прадугледжанае крымінальнае пакаранне. Улады краіны раней пагражалі пазбаўляць грамадзянства суайчыннікаў, якія з'язджаюць за мяжу, каб далучыцца да групоўкі. Большасць з іх складаюць прадстаўнікі арабскай меншасці.
-
«Мануэла Лукашэнка». У Германіі кіраўніцу рэгіёна абразілі параўнаннем з беларускім дыктатарам
-
ЗША выпадкова дэпартавалі мексіканца, якога падазраюць у найбуйнейшым рабаванні каштоўнасцей у гісторыі краіны
-
У «Доме вольнай Беларусі» ў Львове ўшанавалі памяць Міхаіла Жызнеўскага. Там цяпер захоўваецца і помнік герою
Цяпер чытаюць
Зяленскі ў Вільні: Пакуль шпіц Лукашэнкі мае больш правоў, чым народ Беларусі5
Каментары