На судзе 24-гадовы жыхар Баранавіч сказаў, што «больш не будзе ўхіляцца ад вайсковай службы, бо, зразумела, лепей пайсці ў войска, чым сядзець у турме».
Як перадае выданне intex-press.by, абвінавачаны не з'яўляўся ў ваенкамаце больш за тры гады — з 2013 года. У 2013 і 2014 гадах у яго была адтэрміноўка ад арміі, таму што ён вучыўся ў ліцэі будаўнікоў. Потым аформіў адтэрміноўку, таму што ў яго бацькі была другая група інваліднасці. Неўзабаве бацьку перавялі на трэцюю групу інваліднасці, і падчас вясновага прызыву 2015 года абвінавачваны пад роспіс атрымаў позву ў ваенкамат.
Малады чалавек у ваенкамат не з'явіўся і даведку аб уважлівых прычынах няяўкі не прадставіў. Ён паехаў на заробкі ў Расію, таму што, як патлумачыў абвінавачаны ў судзе, у сям'і «было цяжкае становішча». У верасні, калі гараджанін ненадоўга прыехаў дадому, яму зноў уручылі позву ў ваенкамат. Але ён з'ехаў у Расію.
У красавіку 2016 года хлопца абвясцілі ў вышук. Калі ён прыехаў у Баранавічы на навагоднія святы, яго затрымалі міліцыянты.
На папярэднім следстве малады чалавек растлумачыў няяўку ў ваенкамат тым, што «не палічыў патрэбным прыходзіць, таму што яму трэба было зарабляць грошы». У судзе — што «не думаў, што ўсё так сур'ёзна».
Дзяржабвінаваўца Людміла Пятрушка запрасіла для абвінавачанага пакаранне ў выглядзе трох месяцаў арышту. Сам абвінавачваны замест арышту папрасіў штраф.
Суд Баранавіцкага раёна і горада Баранавічы 7 сакавіка прызнаў гараджаніна вінаватым ва ўхіленні ад мерапрыемстваў прызыву на вайсковую службу (ч. 1 арт. 435 КК РБ) і прысудзіў яго да двух месяцаў арышту. Паколькі абвінавачаны знаходзіўся пад вартай з 3 студзеня гэтага года і гэты час яму залічылі ў тэрмін пакарання, хлопца адпусцілі ў зале суда.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м99
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1414
Каментары