Прэм'ер-міністр Вялікабрытаніі Тэрэза Мэй заклікала Захад узмацніць супрацьдзеянне «расейскай дэзынфармацыйнай кампаніі, якая дэстабілізуе сітуацыю на Балканах». Пра гэта брытанскі прэм'ер заявіла ў чацвер на сустрэчы лідарамі ЕС. Тэкст яе выступу апублікаваны на сайце брытанскага ўрада.
Мэй заявіла, што занепакоеная «нарастаючай нестабільнасцю» ў гэтым рэгіёне і выкліканымі гэтым рызыкамі для «калектыўнай бяспекі».
«У святле нядаўніх спробаў зладзіць дзяржпераварот у Чарнагорыі я папрашу нас зрабіць больш для процідзеяння расійскай дэзынфармацыйнай кампаніі, якая дэстабілізуе сітуацыю, і зрабіць больш бачнай зацікаўленасць Захаду гэтым рэгіёнам», — заявіла Мэй.
У лютым спецыяльны пракурор Чарнагорыі Мілівое Катніч абвінаваціў улады Расіі ў спробе дзяржаўнага перавароту ў яго краіне, які павінен быў адбыцца ў дзень парламенцкіх выбараў, 16 кастрычніка. У той дзень стала вядома аб затрыманні 12 грамадзян Сербіі, якія, па заяве ўладаў Чарнагорыі, збіраліся зладзіць дыверсіі.
Масква катэгарычна адхіліла ўсе абвінавачванні ў дачыненні да арганізацыі спробы дзяржаўнага перавароту ў Чарнагорыі. Прэс-сакратар прэзідэнта Дзмітрый Пяскоў назваў іх «абсурднымі» і «безразважнымі». Кіраўнік МЗС Расіі Сяргей Лаўроў таксама заяўляў, што абвінавачванні Чарнагорыі з'яўляюцца «галаслоўнымі».
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА18
Каментары