У Вільні з-за некалькіх выпадкаў легіянелёзу ў шматкватэрных дамах была аб'яўленая надзвычайная сітуацыя, паведамляе Delfi.
Нацыянальны цэнтр грамадскага здароўя атрымаў з лабараторыі дадзеныя аб трох выпадках легіянелёзу — бактэрыямі была заражаная вада ў шматкватэрных дамах на вул Тускулену, 5, вул. Архітэкту, 79, і вул Ладыгас, 3.
Для ліквідацыі бактэрый спатрэбіцца 24 гадзіны. Жыхароў гэтых трох дамоў просяць выкарыстоўваць халодную ваду, а для бытавых патрэб грэць яе на пліце. Калі жыхары гэтых дамоў адчуюць недамаганне (падвысіцца тэмпература, з'явіцца слабасць, кашаль, панос), яны павінны звяртацца да сямейнага лекара.
***
Легіянелёз — вострае інфекцыйнае захворванне, абумоўленае рознымі відамі мікраарганізмаў. Працякае, як правіла, з выяўленай ліхаманкай, агульнай інтаксікацыяй, паражэннем лёгкіх, цэнтральнай нервовай сістэмы, органаў стрававання.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары