У Вільні два чалавекі памерлі пасля заражэння легіянелезам ад вады з-пад крана
У Вільні два чалавекі памерлі пасля заражэння легіянелезнай пнеўманіяй, або так званай хваробай легіянераў. Яшчэ адзін чалавек знаходзіцца ў бальніцы. З-за некалькіх выпадкаў у шматкватэрных дамах у сталіцы Літвы была аб'яўлена надзвычайная сітуацыя
Спецыялісты лічаць, што жанчына з мікрараёна Жырмуны заразілася гэтай хваробай у сябе дома. Вядома таксама, што бактэрыямі была заражаная вада ў шматкватэрных дамах на вул. Тускулену і Ладыгас. Даследуюцца ўзоры і з дома ў мікрараёне Лаздзінай.
У мэрыі Вільні 10 сакавіка адбылася нарада, дзе адзначылі, што на ліквідацыю бактэрый у названых дамах спатрэбіцца 24 гадзіны. Таксама ўлады заклікалі гараджан пры з'яўленні слабасці, кашлю, дыярэі, павелічэнні тэмпературы цела адразу звяртацца да лекараў.
У 2015 годзе ў Беларусі ўпершыню зарэгістравалі выпадак заражэння смяротнай пнеўманіяй ад вады з-пад крана. У адным з абласных гарадоў 69-гадовая жанчына заразілася легіянелезнай пнеўманіяй, карыстаючыся гарачай вадой з-пад крана ў сваёй кватэры. Жанчыну вылечылі, а яе хвароба стала прэцэдэнтам, пасля якога камунальныя службы абавяжуць сачыць за вадаправодам
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні42
Каментары