З 11 па 13 красавіка можна ўбачыць Міжнародную касмічную станцыю, на якой з экспедыцыяй знаходзіцца беларускі касманаўт Алег Навіцкі, паведамілі БЕЛТА ў сталічным планетарыі.
«Пры пралёце над Беларуссю станцыю будзе відаць 11 красавіка з 21 гадзіны 5 хвілін да 21 гадзіны 7 хвілін, 12 красавіка — з 20 гадзін 12 хвілін да 20 гадзін 15 хвілін. 13 красавіка пачатак бачнасці — у 20 гадзін 58 хвілін, заканчэнне — у 20 гадзін 59 хвілін. МКС ляціць з захаду на паўднёвы захад на вышыні 10-26 градусаў і выглядае, як вялікая яркая кропка, якая рухаецца», — адзначылі ў планетарыі.
Міжнародную касмічную станцыю ў яснае надвор'е можна ўбачыць нават няўзброеным вокам і сфатаграфаваць пры наяўнасці якаснай оптыкі.
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дзяйкала13
Каментары