Мінскі абласны суд прыгаварыў былога начальніка аддзялення ДАІ Вілейскага РАУС да пяці гадоў пазбаўлення волі з адбываннем пакарання ў папраўчай калоніі ўзмоцненага рэжыму.
Ён прызнаны вінаватым у здзяйсненні злачынстваў, прадугледжаных ч.2 арт.425, ч.2 арт.426, ч.1 арт.427, ч.1,2 арт.430 КК. Гаворка ідзе аб наўмысным здзяйсненні службовай асобай дзеянняў, якія відавочна выходзяць за межы правоў і паўнамоцтваў дадзеных яму па службе, якія пацягнулі прычыненне істотнай шкоды законным правам і інтарэсам грамадзяніна, дзяржаўным і грамадскім інтарэсам (перавышэнне ўлады і службовых паўнамоцтваў), а таксама бяздзейнасці службовай асобы і атрыманні хабару.
У фігуранта канфіскуюць 0,5 маёмасці, пазбавяць права займаць пасады, звязаныя з выкананнем функцый прадстаўніка ўлады, тэрмінам на 5 гадоў. Таксама яго пазбавяць спецыяльнага звання маёра міліцыі.
Прысуд можа быць абскарджаны і апратэставаны ва ўстаноўленым законам парадку.
Следствам было ўстаноўлена некалькі фактаў злачыннай дзейнасці. У тым ліку мужчына на пасадзе начальніка аддзялення ДАІ Вілейскага РАУС аддаваў ўказанні аб непрыцягненні сваіх знаёмых да адказнасці за парушэнне ПДР. Таксама вядома некалькі эпізодаў атрымання хабару. Абвінавачаны сваю віну не прызнаў.
Каментары