Беларускія навукоўцы распрацавалі методыку генетычнай тэрапіі раку з дапамогай нанаматэрыялаў (дэндрымераў). Пра гэта паведаміў БЕЛТА загадчык лабараторыі пратэёміка Інстытута біяфізікі і клетачнай інжынерыі НАН Беларусі Дзмітрый Шчэрбін.
Для паспяховай генетычнай тэрапіі неабходна эфектыўна дастаўляць лячэбны генетычны матэрыял у клеткі. «Мы ўсталявалі магчымасць выкарыстання дэндрымераў як перспектыўных матэрыялаў для гэтай мэты. Можам з дапамогай гэтых нанаматэрыялаў дастаўляць у клеткі малыя РНК, якія здольныя блакаваць сінтэз пэўных бялкоў, уласцівых менавіта для пухлінных клетак. У выніку спыняецца некантраляваны рост пухліны і запускаецца працэс самазнішчэння ракавых клетак», — сказаў Дзмітрый Шчэрбін.
Таксама навукоўцы выявілі, што калі блакаваць адразу тры пухлінныя бялкі адначасова, то выжывальнасць ракавых клетак зніжаецца да 5%. Гэтая перспектыўная распрацоўка не толькі для лячэння раку, але і для лячэння нейрадэгенератыўных захворванняў (хваробаў Альцгеймера, Паркінсана).
«З дапамогай дэндрымераў для лячэння гэтых хвароб можна дастаўляць у клеткі кароткія нуклеінавыя кіслаты, званыя плазмідамі. Тут адбываецца ўжо зусім іншы працэс: плазміды дастаўляюцца ў клетку, убудоўваюцца ў яе ДНК і запускаюць выпрацоўку лячэбнага бялку, які выклікае хуткае і эфектыўнае аднаўленне нервовых клетак», — растлумачыў навуковец.
«Укараненне гэтай распрацоўкі патрабуе часу, праходжання клінічных выпрабаванняў. Прэпарат на аснове дэндрымераў можа быць створаны ў выглядзе таблеткі, але лепш, калі ён будзе ўводзіцца нутравенна», — дадаў Дзмітрый Шчэрбін. Распрацоўка беларускіх навукоўцаў была высока ацэненая і ўвайшла ў топ-10 вынікаў Нацыянальнай акадэміі навук Беларусі за 2016 год.
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары