Прэзідэнт Польшчы прапанаваў у наступным годзе правесці рэферэндум па зменах у Канстытуцыю
Прэзідэнт Польшчы Анджэй Дуда лічыць, што ў наступным годзе неабходна правесці нацыянальны рэферэндум па пытанні змены канстытуцыі.
Кіраўнік польскай дзяржавы заявіў пра гэта падчас свайго выступу на Замкавай плошчы ў Варшаве з нагоды нацыянальнага свята 3 Мая.
«Я лічу, што ў 2018 годзе, у год стагоддзя здабыцця Польшчай незалежнасці, польскі народ павінен выказаць сваё меркаванне з нагоды будучага дзяржаўнага ладу Польшчы. Народ павінен сказаць, якую ролю, на яго думку, павінен граць прэзідэнт, Сенат, Сейм, на якіх грамадзянскіх правах і свабодах павінны быць зробленыя акцэнты», — сказаў Анджэй Дуда, дадаўшы, што дэбаты на гэтую тэму павінны праходзіць не толькі з удзелам элітаў, але і з удзелам народа.
Да таго, што асноўны закон Польшчы павінен зведаць змены, схіляюцца палітыкі кіруючай партыі «Права і справядлівасць», а таксама руху «Кукіз'15».
Ідэю прэзідэнта не падтрымлівае партыя «Грамадзянская платформа», якая лічыць, што ў Польшчы няма прасторы для дыскусіі пра змены ў канстытуцыі, бо — як адзначаюць прадстаўнікі партыі — парламенцкая большасць у Сейме парушае канстытуцыю штодня.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары