Беларусі цяжка балансаваць паміж Расіяй і Захадам, улічваючы, як далёка яны зайшлі ў сваёй «ваяўнічай рыторыцы» і ўзаемных абвінавачваннях, заявіў Уладзімір Макей, размаўляючы з журналістамі ў кулуарах канферэнцыі па эканамічнай бяспецы «Мінскага дыялогу».
— Балансаваць заўсёды цяжка, асабліва, калі бакі настолькі далёка зайшлі ў ваяўнічай рыторыцы, абвінавачаннях адзін супраць аднаго, — заявіў міністр, адказваючы на пытанне, ці складана балансаваць паміж Расіяй і Захадам.
Пры гэтым кіраўнік МЗС дадаў, што Мінск не збіраецца «балансаваць на карысць таго ці іншага боку»
— Мне асабіста не падабаецца гэтая фраза: «Беларусь павінна быць мостам паміж Усходам і Захадам». Мы проста зыходзячы з нашых нацыянальных інтарэсаў, стараемся прапанаваць ідэі, якія дапамаглі б выбудоўванню нармальнага дыялогу паміж апанентамі.
Выступаючы на канферэнцыі, Макей заявіў, што Беларусь лічыць важным для эканамічнай бяспекі краіны дыверсіфікаваць гандаль па формуле «траціна-траціна-траціна», так каб па траціне беларускага экспарту ішло на рынкі ЕС, ЕАЭС і краін «далёкай дугі».
- На жаль, я павінен сказаць шчыра, цяперашнюю канфігурацыю знешняга гандлю нельга назваць прапарцыйнай і камфортнай для нашай дзяржавы.
Пасля свайго выступу міністр растлумачыў, што меў на ўвазе:
- Пагадзіцеся, што ў перыяды эканамічных крызісаў, якія перыядычна ўзнікаюць, немагчыма выжыць такой невялікай краіне як Беларусь, калі яна будзе залежаць ад адной крыніцы, ад аднаго нейкага напрамку. Выйсце адно — дыверсіфікацыя.
Макей таксама заявіў, што Беларусь ў 2016 годзе значна актывізавала перамовы аб уступленні ў СГА. У прыватнасці, былі падпісаныя пратаколы аб завяршэнні двухбаковых перамоваў з Японіяй і Паўднёвай Карэяй
- Мы ўдзячныя і нашым амерыканскім партнёрам, і нашым еўрапейскім партнёрам за падтрымку намаганняў Беларусі [па ўступленні ў СГА].
Міністр прагназуе, што Беларусь хутка завершыць перамовы з астатнімі 10-15 дзяржавамі.
Макей адзначыў, што актывізацыя перамоўнага працэсу дазволіла выйсці на падрыхтоўку фінальнага дакумента па ўступленні ў арганізацыю - праекта дакладу рабочай групы.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары