Падобна на тое, беларускія чыноўнікі хутка зарыентаваліся — і знайшлі новую ахвяру, якую можна «даіць» без лішняга шуму.
Пасля няўдалай спробы сабраць «крыху» грошай у бюджэт з «дармаедаў», якая давяла да масавых пратэстаў, улады ўзяліся за іншую групу насельніцтва — прадпрымальнікаў.
З 1 красавіка прадстаўнікам малога бізнэсу таксама пачалі прыходзіць «лісты шчасця» — ад іх патрабуюць заплаціць збор у Фонд сацыяльнай абароны насельніцтва. Прычым зноў па вельмі хітрай схеме, паведамляе gazetaby.com.
Нават калі прадпрымальнік не вёў ніякай дзейнасці ў 2016 годзе, ён павінен заплаціць дзяржаве падатак — больш за 950 рублёў. Акрамя таго, калі беларус, зарэгістраваны ў якасці ІП, хаця б на дзень пратэрмінаваў аплату збору, дзяржава выпісвае яму штраф — і праз суд дадае яшчэ 10—20% ад нявыплачанай сумы.
Як распавяла адна з супрацоўніц ФСАН у размове з карэспандэнтам «Салiдарнасцi», указанне штрафаваць усіх запар прыйшло «зверху». Жанчына таксама дадала, што ў гэтым годзе суды заваленыя адміністрацыйнымі справамі на іпэшнікаў.
— Штрафаў проста мора сіняе, у мінулым годзе такога не было, — прызналася яна.
Збор і штрафы прыйдзецца заплаціць нават беспрацоўным беларусам, якія зарэгістраваліся ў якасці прадпрымальнікаў, каб знайсці хоць нейкую падпрацоўку. Пад ударам апынуліся і сезонныя работнікі, якія зарэгістравалі ІП, каб працаваць афіцыйна.
Нешта падказвае, што простыя беларусы наўрад ці выйдуць на плошчы сваіх гарадоў, каб абараніць беларускіх іпэшнікаў, а значыць — чыноўнікі атрымліваюць добрую магчымасць «даіць» самую ўразлівую частку беларускага бізнэсу. Прычым без лішняга шуму.
Самае сумнае, што пад ціскам уладаў прадпрымальнікаў становіцца ўсё менш. Да прыкладу, па дадзеных на 1 лютага за год колькасць зарэгістраваных ІП у Беларусі скарацілася на 19,8 тысяч. А ў сітуацыі, калі ў краіне фактычна знікае малы бізнэс, аб выхадзе з эканамічнага крызісу казаць не даводзіцца.
-
Журналістка «Спутніка» звяртаецца да Лукашэнкі: яе сын паступіў у Вышэйшую школу эканомікі ў Маскве, а дома на яго завялі крыміналку
-
Былы супрацоўнік «Бетэры» запісаў вялікае відэа пра гэта анлайн-казіно. Цяпер у яго праблемы з міліцыяй
-
У Мінску развіталіся з паэтам Уладзімірам Карызнам, аўтарам слоў да цяперашняга дзяржаўнага гімна Беларусі
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны29
Каментары