Трое беларусаў сталі ахвярамі «чорных трансплантолагаў», аднак зарабілі па сем тысяч даляраў за органы. Грамадзянін Беларусі прадаў нырку дзеля двухтыднёвага адпачынку на курорце ў Егіпце і арганізацыі вяселля, паведамілі ў эфіры тэлеканала СТВ.
Злачынная схема «чорных трансплантолагаў» з Косава была раскрытая яшчэ ў 2007 годзе — высветлілася, што ахвярамі сталі трое беларусаў. Згодна з агучанай дзяржаўным тэлебачаннем інфармацыяй, беларусам за продаж донарскіх органаў плацілі па сем тысяч даляраў.
Аднаго мужчыну прааперавалі ў Косава, другога — у Эквадоры, трэцяга — у Кіеве. Адзін з «пацыентаў» расплаціўся такім чынам за арганізацыю вяселля і два тыдні адпачынку ў Егіпце, астатнія купілі за гэтыя сродкі скутар і ноўтбук.
У сюжэце нагадалі і пра тое, што камерцыялізацыя працэсу абмену органамі крымінальна караецца.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі72
Аляксандр Лукашэнка так ляснуўся на лёд на хакеі, што трыбуны замерлі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары